fbpx

आदित्य ठाकरेंनी हिवरेबाजार, राळेगणसिध्दीसारख्या ग्रामीण भागाचा अभ्यास करावा : बाळासाहेब थोरात

टीम महाराष्ट्र देशा : शिवसेनेचे युवासेना प्रमुख आदित्य ठाकरे ‘जन आशीर्वाद’ यात्रेवर आहेत. या यात्रेत आदित्य ठाकरे लोकसभेत मतदान केलेल्या जनतेचे आभार मानायला आले आहेत, तर ज्यांनी मतं दिली नाहीत त्यांची मन जिंकायला आले आहेत. आज आदित्य ठाकरे अहमदनगर दौऱ्यावर आहेत. तर आदित्य ठाकरेंच्या या दौऱ्यावरून कॉंग्रेसचे प्रदेशाध्यक्ष बाळासाहेब थोरात यांनी टोला लगावला आहे.

आदित्य ठाकरेंनी हिवरेबाजार, राळेगणसिध्दीसारख्या ग्रामीण भागात चार दिवस घालवावेत. ग्रामीण भाग समजून घेत दौरे करायला हवेत. कॉलेज जीवनाचा आनंद घेण्याच्या काळात आदित्य ठाकरे राजकारणात आले, असे थोरात म्हणाले. तर निवडणुकांची वेळ नसताना त्याने राज्यात फिरायला हवे, असा उपरोधिक सल्ला बाळासाहेब थोरात यांनी दिला.

बाळासाहेब थोरातांच्या या सल्ल्याला आदित्य ठाकरे यांनी खुमासदार शैलीत उत्तर दिले आहे. माझं पोस्ट ग्रॅज्युएशन झालं आहे. मात्र काही नेत्यांना राज्यातील तरुणांची माहिती नाही, असे म्हणत आदित्य ठाकरेंची खिल्ली उडवली आहे.