‘माथाडी कायद्याला विरोध करणारे संभाजी पाटील निलंगेकर निवडणुकीत पराभुत व्हायला पाहिजे होते’

टीम महाराष्ट्र देशा : गेली चार वर्ष कामगार म्हणून आम्ही मोठा कठीण काळ अनुभवला आहे. गेल्या ५०-६० वर्षात जे कमावले ते गेल्या चार वर्षात मातीत घालण्याचे काम मागील सरकारने केले. माथाडी कायदा गुंडाळला, कामगारांची ३३ मंडळे गुंडाळली त्यातील १० हजार कोटींपेक्षा जास्त फंड कुठे गेला हे त्यांनी सांगावे. कामगारांची स्वायत्तता काढून घेण्याचे काम केले गेले आहे. माथाडी मंडळाला स्टेशनरी घ्यायची म्हटले तरी मुंबईतून परवानगी घ्यावी लागते. वन मॅन काम ही कामाची पद्धत रुजवली गेली. तर पुणे -माथाडी कायद्याला विरोध करणारे संभाजी पाटील निलंगेकर निवडणुकीत पराभुत व्हायला पाहिजे होते. पण बर झाल त्यांची सत्ता गेली, अशी टीका महाराष्ट्र राज्य हमाल मापाडी महामंडाचे अध्यक्ष डाॅ बाबा आढाव यांनी निलंगेकर यांच्यावर केली.

पुण्यातील मार्केट यार्डातील हमाल भवनात माथाडी कामगार मेळाव्याचे आयोजन करण्यात आले होते. यावेळी ते बोलत होते. महाराष्ट्र राज्य हमाल मापाडी महामंडाचे अध्यक्ष डॉ. बाबा आढाव, कामगार मंत्री दिलीप-वळसे पाटील, अप्पर कामगार आयुक्त शैलेंद्र पौळ, कामगार उपायुक्त विकास पनवेलकर, सहाय्यक कामगार आयुक्त चंद्रकांत राऊत, बाजार समितीचे प्रशासक बी जे. देशमुख, पौर्णिमा चिक्करमाने, सरचिटणीस सुभाष लोमटे, हनुमंत बहिरट सचिव संतोष नांगरे, उपाध्यक्ष डॉ. हरीश धुरट, राजकुमार घायाळ, विकास मगदुम, नवनाथ बिनवडे, शिवाजी शिंदे, चंदणकुमार उपस्थित होते. यावेळी वळसे-पाटील यांच्या हस्ते सुमन गायकवाड आणि गहीनीनाथ सजगणे यांचा विशेष सन्मान करण्यात आला.

Loading...

यावेळी वळसे-पाटील म्हणाले, मी अजून नवीन आहे त्यामुळे मला सांभाळून घ्या. माथाडी कायद्याची अमंलबजावणी करणे ही मागणी चुकीची नाही. याबाबत मी एक बैठक आयोजित करतो. सर्व अधिकारी, कामगारांचे प्रमुख प्रतिनिधी एकत्रित बसून व्यवहारीक दृष्ट्या योग्य तो मार्ग काढण्याचा प्रयत्न केला जाईल. मुख्यमंत्री, मंत्री कोणीही असले तरी या देशातील कष्ट करणारे, असंघटित कामगार आहेत त्यांना त्यांचा योग्य मोबदला मिळतो का नाही, त्यांची अडवणूक होते का, त्यांचे शोषण होते का हे पाहणे सरकारचे काम आहे. आजकाल कंत्राटी कामगारांना मोठ्या प्रमाणात वापरून स्थानिक त्या ठिकाणी डावले जाते. बाहेरून कामगार आणून त्यांच्या करून काम करून घ्यायचे. कोणताही कायदा पालन करायचे नाही ही परिस्थिती दिसते. माथाडी कायदा देशात लागू होण्यासाठी सरकारच्या वतीने पत्रव्यवहार केला जाईल. तसेच राज्यातील खासदारांच्या वतीने केंद्रावर दबाव आणून हा कायदा देश पातळीवर नेण्याचा प्रयत्न करू. माथाडी कायद्याला पन्नास वर्ष पूर्ण झाली आहेत. त्याचा सुवर्ण महोत्सव साजरा करण्याचा कार्यक्रम करू व त्या कार्यक्रमाला सर्व संबधित लोकांना बोलवू असे आश्वासन ही यावेळी वळसे-पाटील यांनी दिले.

Loading...
Loading...




Loading…




Top Posts

टीकाकारांच्या नाकावर टिच्चून इंदुरीकर महाराजांची मोशीत काढली मिरवणूक
शिवसेनेचा 'ढाण्यावाघ' ऊझबेकिस्थानात
'पुन्हा निवडणुका झाल्यास भाजपाच्या आमदारांची संख्या १०५ वरुन पंधरावर येईल'
इंदोरीकर महाराजांच्या 'त्या' वक्तव्यावर सिंधुताई सपकाळांची लक्ष्यवेधी प्रतिक्रिया
फक्त विधानसभा कशाला लोकसभेच्या देखील निवडणुका घ्या, पवारांनी फडणवीसांना ललकारलं
इंदुरीकर महाराज समर्थकांकडून तृप्ती देसाईंचे होणारे चारित्र्यहनन महिला प्रतिनिधींना दिसत नाही का?
परळीतील 'त्या' प्रकरणातील आरोपींना अटक, कोणाचीही गय केली जाणार नाही - धनंजय मुंडे
मनसेच्या रणरागिणीचं तृप्ती देसाईंना खुले आव्हान, तू येच...
राजकीय भूकंपाची शक्यता ; भाजपच्या २५ नाराज आमदारांची बैठक
‘सामना’मध्ये छापून आलेल्या नाणार प्रकल्पाच्या जाहिरातीवर मुख्यमंत्री ठाकरेंनी केली भूमिका स्पष्ट, म्हणाले...