राष्ट्रवादीचा आणखी एक शिलेदार भाजपच्या वाटेवर ? मुख्यमंत्र्यांनी घरी जाऊन घेतली भेट

harad pawar and devendra fadanvis 1

टीम महाराष्ट्र देशा: मुख्यमंत्र्यांनी नाशिक दौऱ्यावर असताना राष्ट्रवादीचे संस्थापक सदस्य परवेज कोकणी यांच्या त्रिंबकेश्वर येथील घरी जाऊन त्यांची खास भेट घेतली आहे. नुकत्याच झालेल्या जिल्हा मध्यवर्ती बँकेच्या निवडणुकीत परवेज कोकणी यांनी भाजपचे नवनिर्वाचित केदार आहेर यांना मदत करत आपला उमेदवारी अर्ज मागे घेतला होता. त्याचबरोबर त्रिंबकेश्वर नगरपालिकेत सुद्धा त्यांनी भाजपला मदत केल्याने याठिकाणी भाजपचा जोरदार विजय झाला होता.

परवेज कोकणी यांना भाजपच्या या मदतीची दक्षिणा विधानपरिषदेच्या आमदारकीच्या रुपात मिळणार असल्याची जोरदार चर्चा नाशिक जिल्ह्याच्या राजकीय वर्तुळात रंगत आहेत. जिल्हा बँक असो वा त्रिंबकेश्वरची नगरपालिका या दोन्ही ठिकाणी भाजपच्या विजयात परवेज कोकणी यांचा सुप्त पण सिंहाचा वाटा असल्याच बोलाल जात आहे. गेल्या अनेक दिवसांपासून कोकणी भाजपच्या वाटेवर असल्याची चर्चा होती. आता तर मुख्यमंत्र्यांच्या या खास भेटीने या चार्चेंना अजूनच हवा मिळाली आहे.