भुजबळ कुटुंबीयांना आणखी एक दणका!

भुजबळ कुटुंबीय

नाशिक: मर्चंट बँकेने आर्मस्ट्राँग इन्फ्रास्ट्रक्चर कंपनीला जप्तीची नोटीस पाठवली असल्यानं, पुन्हा एकदा भुजबळ यांच्या मालमत्तेचा मुद्दा चर्चेत आला आहे. या कंपनीने नामको बँकेकडून आर्मस्ट्राँग इन्फ्रास्ट्रक्चर कंपनीने ४ कोटी ३४ लाख रुपयांचे कर्ज घेतले होते. ते विहित मुदतीत न फेडल्याने, बँकेने नोटीस पाठवूनही ६० दिवसात कर्जफेड केली नसल्याने कारवाई करण्यात आली.

छगन भुजबळ आणि माजी खासदार समीर भुजबळ यांच्या समस्या वाढतच चालल्या आहेत. यापुढेही कंपनीने कर्जभरण्यास चालढकल केली, तर पुढची कायदेशीर कारवाई केली जाणार आहे. स्थानिक वृत्तपत्रातही या संदर्भात नोटीस प्रसिद्ध करून कंपनीबरोबर कुठल्याही स्वरूपाचा करार करू नये असे नमूद करण्यात आले आहे.