अमरनाथ यात्रा मार्गावर दरड कोसळून पाच भाविकांचा मृत्यू

श्रीनगर : जम्मू-काश्मीरच्या गंदरबाल जिल्ह्यातील अमरनाथ यात्रा मार्गावर मंगळवारी दरड कोसळली. या दुर्घटनेत पाच जणांचा जागीच मृत्यू झाला तर तीन जण जखमी झाले आहेत. बालटाल मार्गावर रेलपत्रा आणि बरारीमार्गा दरम्यान ही दरड कोसळली. एका महिलेसह चार पुरुष यात्रेकरुंचा या दुर्घटनेत मृत्यू झाला असून, तीन जण यात गंभीररित्या जखमी झाले आहेत अशी माहिती एका पोलीस अधिकाऱ्याने दिली.

बचाव पथक घटनास्थळी पोहोचले असून, जखमींना जवळच्या रुग्णालयात दाखल करण्यात आले आहे. त्यातील एकाची प्रकृती गंभीर असल्याची माहिती मिळत आहे. यात्रेला सुरुवात झाल्यापासून आतापर्यंत आठ जणांचा मृत्यू झाला आहे.

बिहारमध्ये गंगास्नानादरम्यान मोठी दुर्घटना ; चेंगराचेंगरीमध्ये तीन जणांचा मृत्यू