मंत्रालयातील उंदीर घोटाळ्यानंतर आता मुख्यमंत्री कार्यालयात चहा घोटाळ्याचा आरोप

मुंबई: माजी महसूल मंत्री एकनाथ खडसे यांनी केलेला मंत्रालयातील उंदीर घोटाळ्याचा आरोप ताजा असतानाच एक नवीन आरोप समोर आला आहे. मुख्यमंत्री कार्यालयात चहा घोटाळा झाल्याचा आरोप काँग्रेस नेते संजय निरुपम यांनी केला आहे.

संजय निरुपम म्हणाले, मुख्यमंत्री कार्यालयात अल्पोपहारावर केलेला खर्च हा दरवर्षी दुपटीहून अधिक झाला आहे. माहितीच्या अधिकारा अंतर्गत मिळालेल्या माहितीनुसार २०१५-१६ साली सीएमओमध्ये चहा आणि अल्पोपहारावर ५७ लाख ९९ हजार १५६ रुपये खर्च झाला होता. तो खर्च२०१६-१७ मध्ये एक कोटी २० लाख ९२ हजार ९७२ रुपयांवर पोहचला.

२०१७-१८ या वर्षात चहा आणि अल्पोपहारावर तीन कोटी ३४ लाख ६४ हजार ९०५ रुपये खर्च झाला. म्हणजे गेली तीन वर्षे प्रत्येक वर्षी चहा आणि अल्पोपहारावर खर्च वाढत गेल्याचं निरुपम म्हणाले.

You might also like
Comments
Loading...