‘बड़े अच्छे..’ फेम नकुलच्या चिमुकल्यास कोरोनाची लागण

मुंबई : देशात पुन्हा एकदा कोरोना रुग्णांची संख्या मोठ्या प्रमाणावर वाढताना दिसत आहे. कोविडची प्रकरणे दररोज झपाट्याने समोर येत आहेत. दरम्यान टेलिव्हिजनवरील ‘बड़े अच्छे लगते हैं’ फेम नकुल मेहता कोरोना (Actor Nakuul Mehta ) पॉझिटिव्ह झाल्यानंतर आता त्यांच्या घरातील आणखी एका सदस्याला लागण झाली आहे. नकुलच्या ११ महिन्यांच्या मुलाला कोरोनाची लागण (Covid positive) झाली असून नकुलची पत्नी जानकी पारेख मेहता Janki Parekh यांनी सोशल मीडियावर ही माहिती शेअर केली.

नुकतच अभिनेता नकुल मेहता यांची पत्नी जानकी पारेख मेहता यांनी सोशल मीडियावर लिहिले की, ‘मला कुठेतरी वाटत होते की कोरोनासारखा व्हायरस आपल्यापैकी बहुतेकांना लवकर किंवा नंतर पकडेल. माझ्या ११ महिन्यांच्या मुलाला संसर्ग झाल्याच्या बातमीने मला धक्का बसला आहे. तुमच्यापैकी काहींना दोन आठवड्यांपूर्वी माझ्या पतीला कोरोना झाल्याचे कळले. काही दिवसांनी माझ्यामध्येही कोरोनाची लक्षणे आढळून आली आहेत. मला वाटले माझ्या बहिणीच्या लग्नात न येणे हे सर्वात वाईट आहे. पण, कोरोनाने सांगितले की हे यापेक्षा वाईट असू शकते.

कोरोनाच्या तिसऱ्या लाटेत मुलांनाही लागण होत असून आता टीव्ही कलाकार नकुल मेहता आणि जानकी पारेख यांचा मुलगा सूफी (son Sufi ) देखील या महामारीच्या विळख्यात आला आहे. नकुलची पत्नी जानकी यांनी सांगितले की, मुलाला मध्यरात्री रुग्णालयात दाखल करण्यात आले होते. त्याचा ताप १०४ च्या पुढे गेला होता. माझ्या बाळाला आयसीयूमध्ये पाहणे म्हणजे कठीण दिवस होते, मुलांची विशेष काळजी घ्या, असे जानकी म्हणाली.

महत्त्वाच्या बातम्या

• संजय राऊतांनी गोव्यात घेतली काँग्रेसच्या प्रमुख नेत्यांची भेट; राजकीय वर्तुळात चर्चांना उधाण
• पुणे जिल्हा बँकेची आज मतमोजणी; अजित पवारांची प्रतिष्ठा पणाला
• अरविंद केजरीवाल यांना कोरोनाची लागण; ट्विट करत दिली माहिती
• ‘..तरी चीनचे राष्ट्राध्यक्ष पंतप्रधानांबरोबर फाफडा, ढोकळा खाताना दिसतील’, संजय राऊतांचा टोला
• ‘…पण अखेर त्याने मला गाठलंच’, पॉझिटिव्ह आल्यानंतर रोहित पवार यांची भावनिक पोस्ट