औरंगाबादेत अजित पवार यांच्या उपस्थितीत राज्यस्तरीय नियोजन बैठक

Ajit-Pawar_

औरंगाबाद : जिल्हा वार्षिक योजना २०२०-२१ चे नियोजन करण्यासाठी गुरुवारी (ता. ३०) नियोजन मंत्री अजित पवार यांच्या उपस्थितीत राज्यस्तरीय बैठक आयोजित केली आहे. विभागीय आयुक्त कार्यालयाच्या सभागृहात सकाळी दहा वाजता होणाऱ्या या बैठकीत सर्वसाधारण जिल्हा वार्षिक योजनेचा प्रारूप आराखडा अंतिम होईल. बैठकीस पालकमंत्री सुभाष देसाई, मंत्री नवाब मलिक, मंत्री अशोक चव्हाण, मंत्री संदीपान भुमरे, महसूल राज्यमंत्री अब्दुल सत्तार, जिल्हा परिषदेच्या अध्यक्षा मीना शेळके यांच्यासह विधिमंडळ सदस्य, खासदार, सीईओ, महापालिका आयुक्त उपस्थित राहतील.

महापालिका मागणार 75 कोटींचा निधी

नियोजन समितीची गुरुवारी (ता.३०) विभागीय आयुक्त कार्यालयात बैठक आयोजित करण्यात आली आहे. यावेळी महापालिकेतर्फे तब्बल ७५ कोटी रुपयांच्या निधीची मागणी शासनाकडे केली जाणार असल्याचे महापौर नंदकुमार घोडेले यांनी सांगितले.

महापौरांनी सांगितले, की उपमुख्यमंत्री अजित पवार यांच्या अध्यक्षतेखाली गुरुवारी राज्य नियोजन समितीची बैठक होणार आहे. या बैठकीत महापालिकेकडूनही निधीची मागणी केली जाणार आहे. त्यात राज्य शासनाच्या शहर सडक योजनेअंतर्गत ५० कोटींचा निधी उपलब्ध करून द्यावा, जिल्हा नियोजन समितीच्या नावीन्यपूर्ण योजनेतूनही शहरातील कामांसाठी १० कोटी, तसेच शहर विकास आराखड्यानुसार रस्त्यांच्या रुंदीकरणात बाधित होणारे विद्युत पोल व रोहित्र स्थलांतरित करण्यासाठी १५ कोटींचा निधी देण्याची मागणी केली जाणार आहे.

हेही पहा –