fbpx

मतदानाच्या एकदिवस आधी मुस्लीम मतं कॉंग्रेसकडे वळली, निकालापूर्वीच ‘या’ नेत्याने मैदान सोडले

टीम महाराष्ट्र देशा: आम आदमी पक्षाला दिल्लीमध्ये सातही जागा मिळवण्यासाठी आम्ही आग्रही होतो, मात्र मतदानाच्या एकदिवस अगोदर ही 12 ते 13 टक्के असणारी मुस्लिम मतं काँग्रेसकडे वळली, असा दावा दिल्लीचे मुख्यमंत्री अरविंद केजरीवाल यांनी केला आहे. मुस्लीम मतं कॉंग्रेसकडे वळल्याने निकालावर परिणाम होणार असल्याचं देखील इंडियन एक्सप्रेसशी बोलताना केजरीवाल म्हणाले.

लोकसभा निवडणुकीच्या अंतिम टप्यातील मतदान उद्या पार पडणार आहे, तत्पूर्वी कोणाची सत्ता दिल्लीवर येणार याच्या जोरदार चर्चा सुरु आहेत. दिल्लीमध्ये २०१४ साली सर्व सात जागांवर भाजपला विजय मिळाला होता. यंदा मात्र भाजपला कॉंग्रेससह आपचे तगडे आव्हान असल्याचं दिसून आले. आता केजरीवाल यांनी केलेल्या विधानामुळे आपने निकाला पूर्वीच मैदान सोडल्याचं दिसत आहे.

निकालानंतर मोदी – शहा जोडीशिवाय सत्ता स्थापन करण्यास कुणी पुढे आल्यास त्याला पाठिंबा देणार आहे, ईव्हीएमशी छेडछाड न झाल्यास भाजप पुन्हा सरकारमध्ये येणं कठिण आहे, असंही केजरीवाल यांनी म्हटलं आहे.