Ashok Chavan- मुंबईत ८१३ शेतकऱ्यांचा शोध -अशोक चव्हाण

काँग्रेसचे प्रदेशाध्यक्ष खासदार अशोक चव्हाण यांनी कर्जमाफीच्या जाहीर केलेल्या आकडेवारीवरून राज्य सरकारवर जोरदार टीका केली आहे. मुख्यमंत्र्यांनी जाहीर केलेले आकडे हे चुकीचे असल्याची कबुली सहकारमंत्र्यांनीच दिल्याचं त्यांनी काल मुंबईत वार्ताहरांशी बोलतांना सांगितलं. मुख्यमंत्र्यांनी जाहीर केलेल्या लाभार्थ्यांच्या यादीत वर्धा जिल्ह्याचं नावच नाही, पण मुंबईत मात्र ८१३ शेतकरी असल्याचा शोध सरकारनं लावल्याचं ते म्हणाले. सरसकट कर्जमाफीची काँग्रेस पक्षाची मागणी कायम असून येत्या १० जुलै रोजी काँग्रेसच्या ज्येष्ठ नेत्यांची बैठक होणार असून या बैठकीत कर्जमाफीची वस्तुस्थिती आणि खरी आकडेवारी जनतेपर्यंत नेऊन जनजागृती करण्याबाबतची रणनिती ठरवली जाणार आहे, त्यानंतर राज्यस्तरीय आंदोलनाची आखणी केली जाईल असंही खासदार चव्हाण यांनी यावेळी सांगितलं.