महाविकास आघाडीमधील शिवसेनेलाच राष्ट्रवादीने पाडले खिंडार ; अजित पवारांच्या उपस्थिती मध्ये ५ नगरसेवकांचा प्रवेश !

अजित पवार

पारनेर : राज्यात शिवसेनेसोबत सत्तेवर असलेल्या राष्ट्रवादी काँग्रेसची स्थानिक पातळीवर अनेक ठिकाणी कुरबुर सुरूच आहे. राज्यात सत्ता येण्यापूर्वीच पारनेरला शिवसेना व राष्ट्रवादीचे जुगाड जमवून नगरपंचायतीत सत्ता आली होती. आता पुढील निवडणुकीच्या तोंडावर बेबनाव झाला असून शिवसेनेचे पाच नगरसेवक राष्ट्रवादीच्या गोटात सामील झाले आहेत. त्यामुळे पारनेर शहरात राष्ट्रवादीचे आमदार नीलेश लंके यांचे वर्चस्व वाढले असून शिवसेनेचे माजी आमदार विजय औटी यांना मोठा धक्का मानला जात आहे.

दरम्यान, शिवसेना-राष्ट्रवादी काँग्रेस आणि काँग्रेस या तीन पक्षांनी मिळून महाविकास आघाडी स्थापन करून राज्यात सत्ता आणल्यानंतर हे फोडाफोडीच राजकारण पहिल्यांदाच झाले असून आता शिवसेना यावर काय प्रतिक्रिया देणार याकडे सर्व उत्सुकतेने पाहत आहेत. हे तीन पक्षाचं सरकार जास्त काळ टिकणार नसल्याचं विरोधकांच मत असून, आज बारामती मध्ये खुद्द उपमुख्यमंत्री अजित पवार यांच्या उपस्थिती मध्ये झालेल्या प्रवेशाने पुन्हा सरकार मध्ये नाराजी निर्माण होऊ शकते. तर या कोरोनाच्या महामरी काळात पुन्हा सुरु झालेल्या राजकारणामुळे नक्कीच वेगवेगळे अर्थ उपस्तिथ होत आहेत.

धक्कादायक : पुण्याचे महापौर मुरलीधर मोहोळ यांना कोरोनाची लागण

आमदार निलेश लंके यांनी आपली बाजू मांडताना हे ५ नगरसेवक राष्ट्रवादी सोबत काम करण्यास इच्छुक होते अशी भूमिका स्पष्ट केली आहे. तसेच, जर हे नगरसेवक राष्ट्रवादी मध्ये घेतले नसते तर भाजपाच्या संपर्कात येऊन त्या पक्षात गेले असते असे उपमुख्यमंत्री अजित दादा पावर यांना स्पष्ट केल्यानंतरच आज त्यांच्या उपस्थित हा प्रवेश केला गेला असल्याचे त्यांनी सांगितले. भाजपा ला रोखण्यासाठी हि भूमिका घेतल्याचे देखील सांगत शेवटी महाविकास आघाडी भक्कम करत असल्याचे सांगितले आहे. तर शिवसेनेच्या स्थानिक गटातून मात्र या प्रकारावर नाराजी व्यक्त गेली गेली असून थेट उपमुख्यमंत्री यांनी मुख्यमंत्री यांच्या पक्षाला खिंडार पाडल्याची चर्चा होत आहे.

गर्दीवर नियंत्रण ठेवण्यासाठी ठोस उपाययोजना राबवा – अजित पवार